ALAM DUNYA JEUNG ALAM AKHERAT

     Urang kumeuleundang dialam ayeuna nyaeta di dunya dina paripolahna urang dina IBADAH ( ihktiar ), eta kudu bisa ngahontal kahasilan geusan KAHIRUPAN DUNYA jeung KAHIRUPAN AKHERAT.
     Dina enggoning ngahontal kahasilan ieu geusan dua kahirupan teh,Gusti Alloh entos masihan gambaran jeung siloka ka urang lewat Al Qur'an anu di hartikeun ku para mufassirin jeung para budiman karuhun urang.
    Beda deui jeung para kaom anu teu percaya kana Al Qur'an mah,maranehna nganggap yen DUNYA ieu teh NYA TUJUAN NUJADI AKHIRNA,makana maranehna marangpang meungpeung,ngahalalkeun sagala cara,kasrakahan kana banda dunya,mentingkeun diri sorangan,bodo amat batur,HIRUPNA NGAN WUNGKUL KEUR KASENANGAN DUNYA.
    Tah manusa kieu teh ku lantaran dirina teu percaya kana AL QUR'AN jeung KA POE AKHERAT,nya jelema jelema kieu teh baroga pamandegan," MEUNGPEUNG HIRUP DI DUNYYA,NYA URANG SENANG SENANG WE DI DUNYA MAH,GEUS PAEHMAH NYA ENGGEUS ATUH!".
     Padahal dunya teh cirina ngan mangrupa ka heureuyan,katalangkean,reueus jeung agul rasa beunghar loba pakaya,harta jadi parebutan,kakayaan jadi udagan,dunya teh asa milikna sorangan.
     Ari numutkeun sawangan jalma anu percaya kana Al Qur'an jeung poe akhir,bari eta kapercayaan nana teh terus di ihktiaran paham pahamna nu ngajadikeun dirina ka asup kana jalma TAQWA,yen hirup di dunya ieu teh ngan saukur cukang lantaran keur nepikeun urang ka alam akherat.
     Salila urang hirup di dunya eta kudu ngumpulkeun bebekeulan keur hiji pilampaheun anu harese,taranggeul jeung jauh.
     Nu jadi UNTUNG RUGI eta lain naon nu di PIBOGA atawa naon nu leungit tina kanikmatan dunya ieu,tapi nu jadi UKURAN  teh nyaeta " KAREDHAAN jeung KAMURKAAN GUSTI ALLOH.
    Kade ulah slah harti euy.........urang sabage kaom muslimin lain teu meunang ngumpulkeun harta banda,lain teu meunang ngarasakeun nikmatna dunya barana,lain kitu.......samalahanmah dina Al Qur'an Gusti Alloh SWT tos nganjurkeun supaya urang ulah mopohokeun kanikmatan dunya di sagedengeun urang ngudag ka bagjaan akherat,dua nana kudu sajajar jeung saimbang,nya eta teh aya dina surat Al Qashash surat ka 28 ayat nu ka 77.
    Tah malahan tina ayat ieu karuhun urang mah tos ngingeutkeun yen urang kudu
1. Ulah bosen ihktiar
2. Salawasna nungtut elmu
3. terus nyiar harta
4, Rajin,sabar tur tawakkal