BUKTI SYUKURAN NANA DIRI

    Ari djatina diri urang teh nyaeta FITRAH.
     Nu utama tur sakeudahna dina salama urang kumeuleundang di ieu alam dunya,urang kudu tetep ngaraksa,ngarawat " Balikna Diri Urang kana FITRAHNA."
     Jeung teu aya deui nu pang saena nu keudah di syukuran ku diri urang nyaeta " Wauhna Urang kana Djati Diri minangka Hambana Gusti Alloh nu sabenerna", sabab urang ari wauh ka diri dina djati na eta aya dina Fitrahna,eta teh bebas tina sagala dosa.
     Peureunahkeun diri urang dina kahirupan! tah ieu teh parentah Gusti Alloh SWT,sakumaha Al Qur,an dina surat Ar Ruum ayat anu ka 30.
" Prak peureunahkeun ku anjeun jiwa raga anjeun dina agama,kalawan condong kana bener,eta teh minangka Fitrah Alloh,anu Alloh parantos nyiptakeun manusa aya dina eta Fitrah,saeutik ge moal aya parubahan kana ciptaan Alloh,tah eta AGAMA anu LEMPENG,tapi KALOBAAN MANUSA TEU NYARAHO!".
     Ka deudeuh jeung ka asih Alloh eta bisa di kanyahokeun ku urang tina Parentah na Gusti Alloh ka urang nyaeta supaya urang meureunahkeun Diri dina Agama nyaeta ISLAM.      
     Ieu teh minangka jaminan ti Gusti Alloh,yen kahirupan manusa bakal tinemu jeung ka salametan tur karaharjaan,asalkeun Islam tetep jadi ceuceukeulan jeung papagon dina kahirupan.
     Sabalikna mun urang sakadar Agama Islam ieu di jadikeun papesan carita jeung rarangken biwir,tegesna ngan di aku jeung di omongkeun wungkul,teu aya karep jeung upaya ngalarapkeun jeung di jadikeun papagon dina kahirupan sapopoena,tangtuna kahirupan nana eta bakal pinuh ku pirang pirang rereged jeung kasangsaraan Bathin,bakal karasa jeung katara dina kahirupan nana.
     Dina Al Qur,an surat Ar Ruum ayat ka 30 tadi tea,mungkasna eta ayat nyaeta Alloh nguningakeun yen manusa kalobaan teu ngarti kana Ajaran Agama Islam.
     Ku kituna hayu ti ayeuna pisan urang sarerea geura prak nyiar ilmu anu hubunganan nana jeung Agama Islam.
     Jeung kudu inget,sing saha anu tos boga ilmu ka Agama an,tapi ngan wungkul akuan jeung papaesan biwir wungkul,malah ngabalieur tina ilmuna eta,mangka Gusti Alloh nyaurkeun dina Al Qur,an surat Thoha ayat ka 124,:" Sing saha jalma anu ngabalieur tina pepeling Kaula,mangka pikeun maranehna bakal ngalaman kahirupan anu sempiit."
     Ku kituna supaya urang tiasa ngaraksa Fitrah diri urang mangka cara nyaeta geura prak ti ayeuna NGAJAUHAN SAGALA RUPA PAMAKSIATAN JEUNG PAMUSRIKAN,PABID,AHAN JEUNG PAMUNKARAN.
     Mugi Gusti Alloh nu Maha Suci maparin kakiatan ka urang sadaya pikeun miara Fitrah urang sadaya.
     Amiin.